Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Бұрымыңа қызыл-жасыл гүл өрген

Мерей Қартов

Бұрымыңа қызыл-жасыл гүл өрген

  • 11.09.2021
  • 0
  • 0
  • 366
Бұрымыңа қызыл-жасыл гүл өрген,
Бұрын қалай байқамағам сен қызды?!
Көңілімнен бұлттар көшіп!..
Мың ермен
Жұпарының әлеміне енгізді!

Екеуміз де көк құстарға ілесіп,
Көкті кездік, көктем іздеп тұрақтар.
Жерге қонсақ, демімізден гүл өсіп,
Көбелектер жаратылған шуақтан!

Қандай ғажап!..
Көктем келді!
Сен барсың!
Ертіс шіркін, тулап жатыр сең бұзып.
Күн көзіндей - мейірімді дегдарсың!..
Өмір енді басталғандай ең қызық!..

Мерей Қартов бұрымыңа қызыл-жасыл гүл өрген Мерей Қартов өлеңдері

Пікірлер (0)

Пікір қалдырыңыз

Қараша

  • 0
  • 0

Қоштасу айы – қараша.
Үйренді дәтім Жалғанға.
Мұңның өзі де – тамаша,
Өмірді ұға алғанға?

Толық

Шұғынық

  • 0
  • 0

Іштей сенің сырларыңды ұғынып,
Күн көзіңнен көкірегім жылынып.
Қала қызы бір иіскеп көрсін деп,
Теріскейден теріп келдім Шұғынық!

Толық

Күндидарлым

  • 0
  • 0

Көзде - үміт,
Сөзде - сәуле,
Ойда - нұр.
Жүрегімді лүпілдеттің, ұяңым.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер