Өлең, жыр, ақындар

Көктем

  • 12.09.2021
  • 0
  • 0
  • 556
Көбелектер тіріліпті, ұшып жүр,
Кеткен көктем төркініне түсіп жүр.
Бұлықсимын бүршік жарар жас талдай,
Бақсыны жын, мені шабыт қысып жүр.

Құстар келіп бұтақтарда сайрандап,
Қысқы үнсіз бақ оркестірге айналмақ.
Жас бүршіктер зорға тыйды күлкісін,
Күзден қалған жапыраққа қайран қап.

Қар да кетті қымтап жатқан іргені,
Асығыс қыс сөзге құлақ түрмеді.
Кей қыздардай сезімі ерте оянған,
Жылауық тал бір-ақ түнде бүрледі.

Жапты кілем ойы менен қырқасын,
Тоңса жүрек күн нұрына жылытасың.
Алма ағашы ойланып тұр гүлдемей,
Алдағы күн болмай ма деп бұрқасын.

Абыздардай кеңес құрған келелі,
Қыс қозғауға ерінетін денені.
Туған жерге қарап қоям күн салып:
Біздің жаққа көктем тым кеш келеді…



Пікірлер (0)

Пікір қалдырыңыз

Тамыз бекеті

  • 0
  • 0

Мендегі арзан шаттықты мөлдір мұң жеңді,
Көндіре алмадым ырқыма көндіргім келді.
Тамыздың кеші тамылжып тəтті күй шерткен,
Елжіреп тұрып еске алам сол бір күндерді.

Толық

Көш көрем

  • 0
  • 0

Қалғандығын сезбегендей көктем кеп,
Сары орамал тағып жүрмін, шешкем жоқ.
Сағыныш деп аталатын құбылыс,
Сенің бізде өкпең жоқ!

Толық

Кешірдім бәрін кешірдім...

  • 0
  • 0

Жоғалды десем, бар екенсің ғой,
Оқыстан тауып алғаным.
Біреуге жақсы жар екенсің ғой.
Орындалды ма арманың?

Толық

Қарап көріңіз