Сен барсың

Сезсем де мына өмірдің жалғандығын,
Келемін аялаумен арман гүлін.
Құлпырып кеттің десе құрбыларым,
Ол менің сеннен хабар алған күнім.

Төзімнің тарыдайын қалмауынан,
Ойлардың шаршағанмын салмағынан.
Қолыма қаламымды ұстап тұрып,
Іздесем және оны жан-жағымнан.

Сен барсың сонан ба екен жасқанбаймын,
Шомылам сәулесіне аспанда айдың.
Төбеңді ту сыртыңнан көрген бетте-ақ,
Жүрекпен жүріп келе жатқандаймын.

Көрініп сенсіз сүркей көрікті аспан,
Қиялым қалмай саған еріп қашқан.
Жан едің беу не қылған, түсінбедім,
Жартысын жастығымның төгіп-шашқан!!

---