Өткенді ғана

Жол жатыр алда көлікпен біздер,
Келеміз бағыт белгісіз.
Ойлаумен өтті қаншама түндер,
Қайда апарасыз енді сіз?

Екеуміз ғана.
Көліктен түссек,
Басқаша тірлік басқа өмір.
Біз неге келдік?
Қараңғы дала,
Көзіңе түртсе көргісіз.

Төбеден тамшы тырс-тырс етеді,
Бірдеме айтып тұрғандай.
Басқа көліктер зулап өтеді,
Біздерді мазақ қылғандай.

Әйнекке келіп ұрылған тамшы,
Сырғиды көздің жасындай.
Қалғыдық үнсіз көлікте отырып,
Рахат мынау түн қандай!

Өткенді ғана аңсайды көңіл,
Қалауын қалай табарсыз.
Махаббатымды аялайын ба,
Дәрменсіз және қамалсыз.

Алдыға қарай жүре бергенмен,
Жүретін бағыт белгісіз.
Жуылды көлік, тыншыды көңіл,
Қалаға қайттық амалсыз.

---