Өлең, жыр, ақындар

Боранда

  • 12.09.2021
  • 0
  • 0
  • 486
Қатты соққан долы боран жүргізбей,
Тұр шаттықтың қақпасынан кіргізбей.
Қарсы қарап жүріп келем сонда да,
Қасіретімді еш пендеге білгізбей.

Боран алып қашпақ болды шашымды,
Қайда әкетті көзден аққан жасымды.
Саған арнап теріп алған гүлдерім,
Бей-берекет уысымнан шашылды.

Долы боран бар ашуын төгеді,
Бұрылмадым.ықтасындар көп еді.
Боран тынар күн шығады сонан соң,
Мені нәзік нұрыменен өбеді.

Боран тынар . сенесің бе осыған?
Жан емеспін бұрұасыннан шошыған.
Күннің алтын сәулесімен жылынып,
Арманымның арайына қосылам.

Қатты соққан долы боран жүргізбей,
Тұр шаттықтың қақпасынан кіргізбей.
Қарсы қарап жүріп келем сонда да,
Қасіретімді еш пендеге білгізбей!…



Пікірлер (0)

Пікір қалдырыңыз

Көктемнің бұлттары

  • 0
  • 0

Бір жұтым суға, шөлдеген қан тамыр сынды,
Аспанды ары итерген, Хантәңір сынды.
Кім түсінеді, ей, бұлттар, жерге ынтық сенің,
Бір сәтке дамыл алмаған арпалысыңды?

Толық

Айналамда

  • 0
  • 0

Ауылыма барғанда анам шаттанып,
Жырғап қалад досым сырын ақтарып,
Ұзақ-ұзақ аңыз айтса абыздар,
Жеңгелерім жүр қазанға ас салып.

Толық

Саған деген

  • 0
  • 0

Жанарыңнан жарқ етті тосын ұшқын,
Құдіретіне таң қалам осы күштің.
Саған деген қаймақты ойларымды,
Тәңертеңгі шайыма қосып іштім.

Толық

Қарап көріңіз