Өлең, жыр, ақындар

Жұлдыз жанар

  • 12.09.2021
  • 0
  • 0
  • 613
Жұлдыз жанар сөнбеген алаулаған,
Көп телміріп шалғайға талаураған.
Маған ұқсас адамдар бар шығар-ау,
Саған ғана ұқсайтын санаулы адам.

Жазды көрем мен сенің шаттығыңнан,
Қарды көрем көңілдің ақтығынан.
Көлді көрем ойыңнан толқып жатқан,
Отын көрем жанар тау жастығыңнан.

Қасіретің ерімес мұз сияқты,
Сағынышың сарғайған күз сияқты.
Тауға ұқсайды өр тұлғаң екі ыйығың,
Қыран ғана қонатын құз мияқты.

Қалжырасаң қалғандай дала тыныш,
Қара шашың - түнгі бел қара пүліш.
Мендегі арман бір болса сеніменен,
Ал сенімен бір екен жаратылыс.



Пікірлер (0)

Пікір қалдырыңыз

Түн-шымылдық

  • 0
  • 0

Түн-шымылдықтың ішінде біздер тілдестік
Жұлдыздар анау түскиіздегі моншақтар.
Жақын ғып бітті жанымыздағы үндестік
Тұмар ғып айды айтатын сырың болса ақтар.

Толық

Көп күттірген балалық

  • 0
  • 0

Бірде құмнан уыстап,
Бірде аунаған шалғынға.
Жүгіріп жүр балалық,
Есігімнің алдында!

Толық

Өткен күндер мазалады көп мені

  • 0
  • 0

Өткен күндер мазалады көп мені,
(Күлген бейнең көз алдымнан кетпеді).
Біздерге ортақ ештеңе де жоқ деме,
Ай менен күн бар жұлдыздар, оттегі.

Толық

Қарап көріңіз