Өлең, жыр, ақындар

Елесіңді іздедім

  • 17.09.2021
  • 0
  • 0
  • 523
Сездіргенмен сыз-демін,
Ойымды ұғар күз менің.
...Нөпір елдің ішінен,
Елесіңді іздедім.
Ақ түс сыйлап ақ таңым,
Сені іздеп ем – таппадым.
Тамып кетті көз жасым,
Қауызына мақтаның.
Жыр құятын тілге ерек,
Сен сыйлаған гүл бөлек.
Есенғали ағамның,
Құстары, айтшы бір дерек...
Қуарғандай құрағым,
Суалғандай бұлағым.
Дерегіңді көктегі
Жұматайдан сұрадым.
Көз жасы боп күндердің,
Оңашада мұңды емдім.
Табасың ғой іздесең,
Жырым болар – шын белгім.
Көзге ілмеп ем өзгені,
Мұны жаның сезбеді.
...Еніп келші, бейнеңе,
Алғаш көрген кездегі...



Пікірлер (0)

Пікір қалдырыңыз

Туған жерім – Тұмарым

  • 0
  • 0

Жанның болып жалауы,
Берген әр кез күш маған.
Адалдықтың алауы -
Туған жерге ұқсағам.

Толық

Әке

  • 0
  • 0

Сенде, менде - өзге мұң,
Ал, армандар туралған.
Сен сүйетін көздерім,
Жаспен бүгін суланған.

Толық

Балбал тас

  • 0
  • 0

Мұнар күннің мұрасы,
Тілін білсең – сұрашы.
Қыр басында балбал тас,
Сан ғасырдың куәсі.

Толық