Өлең, жыр, ақындар

Көктемгі элегия

  • 17.09.2021
  • 0
  • 0
  • 475
Тағдыр-сахна.
Тақырыбы – өткенім,
Басты рольде мен ойнадым теп-тегін.
Өткенімнен өрнек іздеп жүргенде,
Сен де келіп қалғаның ба, көктемім?
Туралықтан түсер неге құным кіл?
(Саған сырды айтқандағы түрім бұл).
Бір тамшы жас жанарымда мөлдіреп,
Мына ғалам тартып кетті бұлыңғыр.
Ей, аспан жақ, күркіре,
Жаным менің жонылуда түрпіге.
Жылғалардан сылдыраған бұлақтар,
Ұқсайды екен, бір кездегі күлкіме.
Қасарысып, алға басып бір адым,
Сүріндім де, құладым.
Қуаныштан жылағанда көк пен жер,
Мен қосылып жыладым.
Қоңырауын қаққанменен тіршілік,
Қыр астында қуаныш жүр қырсығып.
Көзі сенбей, көктем келді дегенге,
Күнгей беттен қылтияды бір шыбық.
Жүрегімді мазалайды жай талай,
Аулақ барып, жасын төгіп қайтады ой.
... Қар астынан сенің ізің көрінді,
Сен қайдасың?
Айта ғой...



Пікірлер (0)

Пікір қалдырыңыз

Тұлпардың өлімі

  • 0
  • 0

Аңыз еткен бар аймақ,
Тұлпар еді бір кезде.
Енді жаман сарайда,
Сүйелдей боп жүр көзге.

Толық

Джульеттаға хат

  • 0
  • 0

Джульетта – сезімнің тәңірі,
Құсаңды сезіндім іштегі.
Тағдырдың кездейсоқ әмірі,
Сезімнен қалайша күшті едің?!

Толық

Шөлді кезем сен үшін

  • 0
  • 0

Келем деп ең – келмедің,
Хабарыңды бермедің.
Қалды дейсің, жаным-ау,
Сенен басқа менде кім?

Толық

Қарап көріңіз