Өлең, жыр, ақындар

Тек сенің есіміңді айта бердім...

  • 17.09.2021
  • 0
  • 0
  • 651
Болсын деп сол мазасыз шақтар ұмыт,
Мен саған сырымды айтам ақтарылып.
Екеуміз еркін жүріп сырласайық,
Құдайым салмасыншы баққа құлып.
Шалшығын шердің кешкем балақ түріп,
Күн маған күлімдеді қарап тұрып.
Ертеңің – ертегі, - деп сыбырлады,
Самал жел шаштарымды тарап, күліп.
Тоңсам да тайынбастан түнгі ызғардан,
Сен жайлы сыр сұрадым жұлдыздардан.
Естідім арманыңның асқақтығын,
Шаншылып көктен төнген шың-құздардан.
Соқпас деп сендерге енді қайғы лебі,
Жатып ап шалқасынан ай күледі.
... Мендегі мына сезім есіміңді,
Жер түгіл аспан жаққа әйгіледі.
Жанымның жарасының айтам емін,
Сенсеңіз – мен өмірге қайта келдім.
Өз атым ауызыма түспей бүгін,
Тек сенің есіміңді айта бердім.
Бір өзің – арманымды биіктеткен,
Өмірді өзің едің сүйікті еткен.
Жаным!
Мен өзіңді алғаш көрген сәтте.
Махаббат жалынына күйіп кеткен.



Пікірлер (0)

Пікір қалдырыңыз

Жел ұшырып кетті ме?

  • 0
  • 0

Жанды ауыртып, қайтқан құстың тізбегі,
Жаным менің бір бейнені іздеді.
Жаз мінезді жайраңдаған көңілді,
Басады кеп күз лебі.

Толық

Рас па?..

  • 0
  • 0

Өкінішті сейілтіп,
Қасіретті сұйылтып,
Жолдама алып ертеңге,
Бақтан орын бұйыртып,

Толық

Құс тілімен хат жазамын бауырға...

  • 0
  • 0

Ізгіліктің құдіреті зор дәйім,
Үйіме кір, жаным салып қорғайын.
Басқа құстар жылы жаққа кетті ұшып,
Сен неліктен қалып қойдың, торғайым?

Толық

Қарап көріңіз

Басқа да жазбалар