Өлең, жыр, ақындар

Қыздар туралы

  • 10.11.2015
  • 0
  • 2
  • 21365
Жиырмаға жеткен қыз кәрі болар,
Өңі кетіп шырайы сары болар.
Ер елуге жетсе де айыбы жоқ,
Әр уақытта біреудің жары болар.
Қыз он беске келгенде мау тартады,
Ата менен енеге жау тартады.
Екі көзі, ел көшсе, төңіректе,
Шарасыздың күніне жүк артады.
Қыз он беске келгенде талма мойын,
Он алтыға қыздардың қылса тойын
Он алтыдан асқасын болмайды ойын.
Қыз он беске жеткенде кесте алады,
Жаман менен жақсыны еске алады.
Жиырмаға жеткенде тәйке деген,
Аюша жиған майын төске алады.
Қорқақ емей немене қашқан кісі,
Батыр емей немене шанышқан кісі.
Мың жылқылы байларың несі кейін,
Оразасын үйінен ашқан кісі?
Қонбай тастап кетерме арды кісі?
Ашулансақ кееді жарлы кісі.
Ашуланса қолынан түк келмейді,
Орайына келтірер малды кісі.



Пікірлер (2)

жаңылдық

сіздерге көп рақмет сіздердің жазған өлеңдеріңізді жаттап соларды айтып көп бал жинап жеңіске жетіп рекорт жасадым

ЖАНАЙЫМ

керемет олен екен

Пікір қалдырыңыз

Байлауы жоқ шешеннен

  • 0
  • 0

Байлауы жоқ шешеннен
Үндемеген есті артық,
Бəйге алмаған жүйріктен
Шал Құлекеұлы

Толық

Түседі өлең десе қайғы-шерім

  • 0
  • 0

Түседі өлең десе қайғы-шерім,
Шығады айқайласам ащы терім.
Басылмас ауызымды ашқан, мен бір көрік,
Шал Құлекеұлы

Толық

Кәрі өлсе, соққан дауыл тынғандай-ақ

  • 0
  • 3

Кәрі өлсе, соққан дауыл тымғандай-ақ,
Жас өлсе, бәйтерегің сынғандай-ақ.
Жігіттер, жас уақытты босқа өткізбе,
Дағдыр деген көз ашып жұмғандай-ақ.

Толық

Қарап көріңіз