Өлең, жыр, ақындар

Қызғандым сені

  • 17.09.2021
  • 0
  • 0
  • 373
Қызғандым сені –
Жанардан көшкен бау-бақтан.
Қызғандым сені –
Самалдан ескен тау жақтан.
Өкіндім талай,
Өксідім талай
Өсек боп,
Дұшпанның сөзі естіліп жатса аулақтан.
Қызғандым сені –
Сылдырап жатқан құрақтан.
Қызғандым сені –
Былдырап аққан бұлақтан.
Ылғи да сенің иығыңдағы періштең
Тұратын сынды жеткізіп хабар жырақтан.
Қызғандым сені –
Қызғанбай тегі қалмаспын.
Арғымақ болсаң жалыңа талай жармастым.
Ағыл да тегіл көрсетіп тұрып көз жасын
Ағытсам жырды,
Айтсам бір сырды – нанбассың!
Қызғандым сені –
Шуақты күннің көзінен.
Қызғандым сені –
Қуатты жырдың сөзінен.
Қызғанған сайын жаным бір кіріп жанығып,
Өзімді сондай,
Бақытты жандай сезінем.
Қызғандым сені –
Қызғанбай жаным тұра алмас.
Өкінтіп ішті,
Өзекке түсті бір алмас.
Көңілді көмген бұлтыңнан бір сәт айықтыр,
Көзімнің алдын тұмшалап алған тұманды аш.
Қызғандым сені
Әлі де талай қызғанам,
Жанымнан жырақ шығып бір кетсең жүз қадам.
Қызғанған сайын
Қызығым дәйім көбейіп,
Болатын сынды –
Жүрекке дауа сыздаған!



Пікірлер (0)

Пікір қалдырыңыз

Бұл қазақтың көрмеген несі қалды?!.

  • 0
  • 0

Бұл қазақтың көрмеген несі қалды?!.
Алдыменен ақылын – есін алды.
Дәстүріне дақ салып, салтын құртып,
Қажет жерде тілін де кесіп алды.

Толық

Құшағыңды аш, Қостанай!

  • 0
  • 0

Төзе білген қайғыға,
Төгіп көзден жас талай...
Торғай кірді қойныңа,
Құшағыңды аш, Қостанай!

Толық

Жанарыңнан бір моншақты үйіріп

  • 0
  • 0

Жанарыңнан бір моншақты үйіріп,
Жылдам басып шығып кеттің киініп...
Кейін білдім ауырғанын жанымның,
Қабағымның қалғандығын түйіліп.

Толық

Қарап көріңіз