Қыңыр

Бағып оның қабағын,
Берсе-дағы мадақтап,
Өз үйiнiң тамағын
Iшпейдi ол алақтап.
Ал басқа үйге барды ма,
Өлiп-өшiп iшедi.
Тамақ келсе алдына,
Қара терге түседi.
Асын iшiп алаңсыз,
Ұмытады ұятты.
Ата-анасы амалсыз
Қызартады қулақты.
Жақтырмайтын сонысын,
Өзi сондай қаскүнем.
Басқа үйде ол үшiн
Тəттi болар ас кiлең.
Осы қыңыр күн сайын
Тойсын десең тамаққа,
Қыдырыстап үй сайын,
Жүру керек қонақта.

---