Өлең, жыр, ақындар

Кел, достар, кел, үйіме жиылыңдар

  • 22.09.2021
  • 0
  • 0
  • 788
Кел, достар, кел, үйіме жиылыңдар,
Сендер мені әйтеуір ұғыныңдар.
Маздап жанған бұйығы жан отыма,
Тосырқамай, тоңсаңдар жылыныңдар,
Сендер мені әйтеуір ұғыныңдар.
Шерім болса кеудемде тарқатыңдар,
Сағыныш күйін тек сендер – тартатындар.
Жүрегімнің Сарыарқа жайлауынан
Жүйрік мініп, жосылтып қайтасыңдар,
Шерім болса кеудемде тарқатыңдар.
Өздеріңе өзгеше таныс үнмен,
Сендерді іздеп жаңғыртам тау ішін мен.
Арманымның ақбозы астымдағы
Арындап ауыздықпен алысумен,
Сендерді іздеп жаңғыртам тау ішін мен.
Сендер келсең, көл болып дастарқаным,
Ақ пейілден алдыңа бас тартамын.
Ашып тастап айқара есігімді,
Бар билікті бәріңе басқартамын,
Ақ пейілден алдыңа бас тартамын.
Жаралғанмын мінезім жылқы сынды,
Жақтырмаймын жай жүріп жұлқысуды.
Бара жатсам нақақтан айырыңдар,
Жала жапсам жыртпаңдар жыртысымды,
Жаралғанмын мінезім жылқы сынды.
Кел, достар, кел, үйіме жиылыңдар,
Сендер мені әйтеуір ұғыныңдар.
Маздап жанған бұйығы жан отыма,
Түгелің кеп, тоңсаңдар жылыныңдар,
Кел, достар, кел, үйіме жиылыңдар!



Пікірлер (0)

Пікір қалдырыңыз

Жұрағатым ит қосады

  • 0
  • 0

Мен емеспін елден ерек сүйген құлы Алланың,
Өмір өзі есептейді бергені мен алғанын.
Аузымды ашып аңырғанмен аспан жақтан түк түспес,
Саясында жатқан жоқпын мәуелеген алманың.

Толық

Қабанбайға шағыну

  • 0
  • 0

Сыйындым аруағыңа, батыр баба,
Медет бер алысқа да, жақынға да.
Қу сөзден қурай орған заржақ емен,
Отырып таз басындай тақырда да.

Толық

Өмірім бар...

  • 0
  • 0

Өмірім бар өзгеден сыр бүкпеген,
Өрге тарттым,
Біресе сырғып төмен.
Таудан аққан бұлақтың толқынындай,

Толық

Қарап көріңіз