Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Тайжақы киген жоқ едім

Несіпбек Айтұлы

Тайжақы киген жоқ едім

  • 22.09.2021
  • 0
  • 0
  • 463
Тайжақы киген жоқ едім,
Тастадым тайға бұғалық.
Бозбалалықты жебедім,
Бойымды билеп бұлалық.
Қызықтан қымыз сапырдым,
Күлкіні қылмас кісі ермек.
Қорқыныштарға сапы ұрдым,
Күдік біткенді кісендеп.
Бораным соқса қарсыдан,
Қиялдың кидім күпісін.
Көңілім талай қаңсыған,
Ұрлатып үміт-үкісін.
Өкінсем содан опық жеп,
Кенімді кейде қаза алмай,
Көріктей кеудем от үрлеп,
Қайнады ішім қазандай.
Жігердің тіктім байрағын,
Жүрегім тулар күн бүгін.
Өлеңнен семсер байладым,
Өнердің кесіп кіндігін.

1973

Несіпбек Айтұлы тайжақы киген жоқ едім Несіпбек Айтұлы өлеңдері

Пікірлер (0)

Пікір қалдырыңыз

Сен де бір Асанқайғы

  • 0
  • 0

Алпысқа келіп қапсың, асыл аға,
Отыз жыл біз ергелі қасыңа да.
Тауыстың көз майыңды ақ қағаз бен
Үңіліп туған жердің тасына да.

Толық

Шәкәрім тошаласында

  • 0
  • 0

Қарайлап өткен өмір тоса ала ма?
Қаншама құпия бар осы арада.
Тұратын мұңды асырып, сыр жасырып,
Мен келдім ақын жатқан тошалаға.

Толық

Тарақтыда тарлан көп

  • 0
  • 0

Сөз тәңірі, медет бер,
Қызыл тілім демеп көр!
Домбырамды қолға алсам,
Он саусағым дедектер.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер