Өлең, жыр, ақындар

Мамырға тілек

  • 24.09.2021
  • 0
  • 0
  • 639
Келдің бе, ерке сұлу мамыр айым,
Жайнатып күн келбетін, таң райын.
Жуынып жаңа көктем жаңбырымен,
Жап-жасыл жапырағыңды жамылайын.
Жалықпай жырла, жырла, жыршым менің,
Жасампаз мәңгі өмірдің тылсым демін.
Келісті көк орманым жұпар шашып,
Күмбезін кір шалдырмай тұрсын көгім.
Нәзігім, тербе дүние алабын бұл,
Толықсып шешек атсын дала гүл-гүл.
Жас талдың бұтағына қонып алып,
Алаңсыз әнге бассын бала бұлбұл.
Қалыңдап жер жамылған көрпе-құрақ,
Қаптасын момын қозы, тентек лақ.
Құпия жүрегімнің лүпілімен
Тілдесіп, үнін қоссын ерке бұлақ.
Толғанда табиғаттың көзіне нұр,
Төгеді інжу-маржан сөзін өмір.
Жарқ етіп жыл айналып сен келгенше
Ынтығар іңкәр жүрек өзіңе бір.
Жасартып тірлік көшін шамаң барда,
Тарта бер замандардан замандарға.
Жататын бірі келіп, бірі кетіп
Пенденің қайғысына алаң болма!

1982



Пікірлер (0)

Пікір қалдырыңыз

Сенің даусың шыққанда...

  • 0
  • 0

Бізге тағдыр әуелден жақсыларды қиған ба,
Артық бақыт қазақтың маңдайына сыйған ба?
Жәнібегім, қайтейін жетпеуші еді бір саған,
Жүзден озған жүйрікті мыңнан таңдап жиғанда!

Толық

Болсам да алтын дәрия...

  • 0
  • 0

Болғанша тақыс пенде сауда баққан,
Қос қолға қысқа жіпті саумалатқан,
Пәнидің азабынан мойным босап,
Бұлаққа айналсам­ау таудан аққан.

Толық

Қызығы бұл дүниенің...

  • 0
  • 0

Сәт сайын тірлігіңнің артып құны,
Жаныңның жаңғырғанда бар түкпірі,
Өткенді есіңе алып толғанарсың,
Еске алу – бәрінен де артық түбі.

Толық

Қарап көріңіз