Өлең, жыр, ақындар

Қырқаға шықсам көлденең

  • 24.09.2021
  • 0
  • 0
  • 729
Қырқаға шықсам көлденең,
Қиырды көзбен ақтарам.
Көгілдір дала көлбеген,
Көңілім бе екен деп қалам.
Қыранды көрсем аспаннан,
Қонсам деп шыңға оқталам.
Тәкаппар таулар қасқарған,
Сенімім бе екен деп қалам.
Тартамын талай жолменен,
Тірлікте тыным жоқ маған.
Гүлдерді көрсем шөлдеген,
Сезімім бе екен деп қалам.
Білмеймін, жардан қанша асты,
Су бар ма арна таппаған?
Жағада тұрған жартасты
Төзімім бе екен деп қалам.
Кепкендей болса кенезем,
Толқынға келіп тоқталам.
Күркіреп аққан көк өзен
Өмірім бе екен деп қалам.
Оралған сайын таң күліп,
Қанатын ойдың көп қағам.
Табиғат түбі
Мәңгілік
Серігім бе екен деп қалам.

1984



Пікірлер (0)

Пікір қалдырыңыз

Жер шары жалғызсырап...

  • 0
  • 0

...Білемін сені, аяулы Бостандығым,
Халқымның көп сарғайып тосқандығын.
Қазаққа ғарыштан да теңдік тиіп,
Самғауға шақырады аспан бүгін!

Толық

Кел, Наурыз!

  • 0
  • 1

Наурызым, сары уызым,
Жүдеп едім сен кетіп.
Қайта келдің, байтақ елдің,
Қуанышын селдетіп

Толық

Жұртымен бірге жасар

  • 0
  • 0

Жыл толды қайырылғалы ер қанаты,
Халқының жүрегінде қалған аты.
Өшпейді өмірдегі салған ізі,
Сөнбейді өлеңдегі жанған оты.

Толық

Қарап көріңіз