Өлең, жыр, ақындар

Бай баласына

  • 26.09.2021
  • 0
  • 0
  • 925
(Экспромт)

Сенің әкең мансапты,
Менің әкем малсақ­ты.
Сенде сарай он шақты,
Менде саулық он шақты.
Сенің әкең халықты
Қан жылатып жер сатты.
Менің әкем маңдайдан
Тамшылатып тер сатты.
Сенің шешең мойнынан
Ағытқан жоқ моншақты.
Менің шешем қолынан
Тастаған жоқ келсапты.
Жер мен көктей қарасам,
Екі арамыз алшақ­ты.
Сен жалайсың бармақты,
Мен сорамын саусақты.
Саусағымнан сорған сор
Қабырғамды қаусатты.
Аққан байлық сай тапты,
Байдың көңілі жай тапты.
Балпаң­балпаң басасың,
Бай баласы байпақты.
Байпағым бар екен деп,
Таптай берме Байтақты!
Көлденеңнен ит қосқан
Тоқтат енді айтақты.
Мына заман ырқыңа
Көнбейтінін байқатты.
Шала молда дін бұзар,
Шала қазақ тіл бұзар,
Елді бұзған дәл сендей
Көрмедім мен найсапты!



Пікірлер (0)

Пікір қалдырыңыз

Түсімде ылғи қаңғып жүрем

  • 0
  • 0

Күннен­күнге құбылады замананың түр­түсі,
Бұлаңдаса, мың алдаса уақыттың қу түлкісі.
Көне тарих ақырады әлсін­әлсін оянып,
Қызыл иек кәрі арыстан азуда жоқ бір тісі.

Толық

Қайрау

  • 0
  • 0

Тақымыңда ат барда,
Жүрегіңде от барда,
Қаның қалай қызбайды,
Қазақ болсаң көкпарға!

Толық

Жұлдыздың жұмыртқасындай

  • 0
  • 0

Торғайдай миым тобықтай түйін түйе алмай,
Жастығым кетті сағымға сіңіп қиялдай.
Көшені кезген тәжіктің қайыршысындай,
Күндерден қайыр сұраймын енді ұялмай.

Толық

Қарап көріңіз