Өлең, жыр, ақындар

Біржан туған жерде

  • 26.09.2021
  • 0
  • 0
  • 820
Шығандығы шыңдардың
Біржан әні секілді.
Алыс жатқан мұң бар бір —
жырлағаны секілді.
Бүлдіргендер бір түрлі
"Ханның асы" секілді.
Ақ қайыңдар үкілі
домбырасы секілді.
Жапырақтары аққудың
таранғаны секілді.
"Айна көлі" ақынның
адал жаны секілді.
Қыз аңдыған тал ұстап,
ісі бейпіл секілді.
Шідерлі аты алыста
кісінейтін секілді.
Ару қыздар көп еді —
таңдағаны секілді.
"Біз қартайдық", — дегені
алдағаны секілді.
Бурабай көл сырғыса
тамсанатын секілді.
Шертіп қалсаң сұр бұта
ән салатын секілді.
Тас өзегін жыр кернеп
тіліп тұрған секілді.
Біржан ағам бұл жерде
біліп туған секілді.



Пікірлер (0)

Пікір қалдырыңыз

Нан

  • 0
  • 0

Түстің өзі енуші еді мазақ боп,
түсімде нан... өзі қалың, өзі аппақ
жүрді мені елесімен азаптап.
Көзімді ашсам таба наным тек әлгі

Толық

Жебе

  • 0
  • 0

Не бір еппен, алған жақсы, не бетпен —
сөйлейінші тамағымды кенеп мен:
эпос ері тірілді де кенеттен,
сұр жебелі қарт садағын қолға алды.

Толық

Менің көршім

  • 0
  • 0

Мен ғашықпын, маған ғашық емес ол,
Білмейді әлде жек көріп те, сүйіп те?
Мен сияқты бойы аласа демесең,
ойы, сірә, менен көрі биікте.

Толық

Қарап көріңіз

Басқа да жазбалар