Ән-шашу

Домбырамды алайын,
Қанат қағайын!
Шырқап әнге салайын,
Тыңда, ағайын!
Тілегімді қосайын,
Сырымды ашайын!
Ортаңа той жасайын,
Шашу шашайын!

Қайырмасы:
Қалған бізге мәңгіге – бабадан мұра,
Қасиетті осынау қара домбыра!
Әнім биік самғасын,
Үнім талмасын!
Дәстүрімді келешек
Ұрпақ жалғасын!

Жүректерге жол салған,
Қалды қанша арман!
Әуелетіп ән салған,
Елім тамсанған!
Берік болып салтыма,
Түстім талқыға.
Бақ жұлдызым жарқыра,
Туған халқыма!

---