Өлең, жыр, ақындар

Адамзатқа ортақ тіл

  • 04.11.2021
  • 0
  • 0
  • 908
Әннің тілі – адамзатқа ортақ тіл,
Жүрек шетін сұлу әуен қозғап тұр.
Жаннат өмір, тірі жұмақ орнайды,
Ғашық әуен кетсе назын толғап бір.
Күй дүбірі барша өнердің туындай,
Шабысын­ай өрге тартқан суынбай.
Тәттімбеттің «Көкейкесті» күйін тарт,
Шер қозғаған шұрқыраған құлындай.
Төкпелетші Құрманғазы «Серперін»,
Еске түссін жұлдыз қуған ерке күн.
Нұрғисаның толқыт «Ата толғауын»,
Билеп кетсін кербез ағын, көркем үн.
Сұлу сазға адам жанын теліген,
Қазағымның мың сарынды жері кең.
Тыңдай қалшы, күй күбірлеп жатады
Ақ жаңбыр мен қарлы боран, желінен.
Теңіздер де, мұхиттар да сабылып,
Күй қозғайды ертелі­кеш ағылып.
Толқындары асығады адамдай,
Жағалауда бір көргенін сағынып.

05.12.2008



Пікірлер (0)

Пікір қалдырыңыз

Жазғы романс

  • 0
  • 0

Жазғы романс - Кәкімбек Салықов
Сән болар асау ғасырға,
Жолықтым ғажап асылға.
Есіме түсті қара көз,

Толық

Жұлдызға жанған үміткер

  • 0
  • 0

Жұлдызға жанған үміткер,
Жаһанды біз де кезіп ек.
Алыста жүрген жігіттер,
Кәкімбек Салықов

Толық

Мен көрдім аққудың жас көгілдірін

  • 0
  • 0

Мен көрдім аққудың жас көгілдірін,
Өзгертті құс-­періште өмір нұрын.
Адасып қалған құсым табылғандай,
Тамылжып жас күнімдей төгілді үнім.

Толық

Қарап көріңіз