Өлең, жыр, ақындар

Жұлдыздай қара түнді жарып жансам

  • 06.11.2021
  • 0
  • 0
  • 475
Жұлдыздай қара түнді жарып жансам,
Ақылдың қуатымен қарулансам.
Тізеңе отырғызып сүйгеніңде,
Дертіне жүрегіңнің дару болсам.
Қалайша ғашық жырын мен жазбайын,
Жаныма жалын қосып кел, маздайын.
Тұрасың қабағыңмен қаймықтырып,
Қатулы қол бастаған сарбаздайын.
Жолдарым жолдарыңа түйіседі,
Секілді үндескен қос күй ішегі.
Сәулесін төгіп түнде бір-біріне,
Жұлдыздар соғыспайды, сүйіседі...
Қалсын бір сұлулыққа сусын қанып,
Қиялым көк қойнына кірсін барып.
Сәулесін құя түсіп маған қарай,
Жұлдызың ұзағырақ тұрсын жанып.
Қарасын аққу мойнын бұрып айым,
Айдың ақ сәулесіне жуынайын.
Байқаусыз бейуақытта түсіп кеткен
Көзіңнің шуағына жылынайын...



Пікірлер (0)

Пікір қалдырыңыз

Шымылдық көтеріліп түнге ашылған

  • 0
  • 0

Шымылдық көтеріліп түнге ашылған,
Ақ нұрды кеудесінен емізді аспан.
Сан сәуле саусақ созып шың басынан,
Сұлудай ұйқылы-ояу көзін ашқан.

Толық

Абайға

  • 0
  • 0

Абайға мен қараймын, Абай – маған,
Өткір, ойлы көзбенен абайлаған.
Құлағыма келеді қоңыр үні:
«Барасың сен,— дегендей,— қалай, балам?»

Толық

Жолбарыстай мазам жоқ қамаудағы

  • 0
  • 0

Жолбарыстай мазам жоқ қамаудағы,
Кімнің күйіп, мен үшін жаны ауырады?
Бұлт астынан көрінген көк аспандай,
Күн тілеген көңілім жамау бәрі...

Толық

Қарап көріңіз