Өлең, жыр, ақындар

Кешіктің...

  • 06.11.2021
  • 0
  • 0
  • 542
Сен енді келеді деп күтпе мені,
Күтудің тимес жанға түк көмегі.
Бір кезгі шимай-шиыр іздерімді
Көрсетпей күміс түстес шық көмеді...
Жолымды, іздерімді шық көмеді,
Көгімде бұлт жүз аунап, бүктеледі.
Бір кезгі сені көріп, алабұртқан
Көңілдің осыменен бітті өлеңі...
Кетерсің көз алдымды тұманға орап,
Тұманнан күн шығардай тұрам қарап.
Тілекке тіл қатпайсың, көк аспанға
Құс қайтіп көтерілер сыңар қанат?..
Жанады кеудемде бір жалқы жүрек
(Ешкімге жылуы жоқ, жарқылы көп).
Торғайдай қыстап қалған бүрісемін,
Тигенде сезіміңнің салқыны кеп.
Кешіктің, келеді деп күтпе мені,
Жастықтың жалын атқан бітті өлеңі.
Сайраған арадағы іздерімді
Көрсетпей күміс түстес шық көмеді...



Пікірлер (0)

Пікір қалдырыңыз

Туған ауылға

  • 0
  • 0

Үрлей ескен жел ме мынау, самал ма,
Толқын өрген жасыл шалғын даламда.
Күніне мен жүз сүйемін ауылымды,
Көңілімнің құндағына алам да.

Толық

Жұлдыздай қара түнді жарып жансам

  • 0
  • 0

Жұлдыздай қара түнді жарып жансам,
Ақылдың қуатымен қарулансам.
Тізеңе отырғызып сүйгеніңде,
Дертіне жүрегіңнің дару болсам.

Толық

Түбір табалдырық

  • 0
  • 0

Осы жермен өткендей бабам жүріп,
Қалай, ішке сезімді қалам бүгіп.
Сол бір үйде мен жиі баратұғын
Түбір ағаш болыпты табалдырық.

Толық

Қарап көріңіз