Өлең, жыр, ақындар

Жалғыздық жыры

  • 06.11.2021
  • 0
  • 0
  • 955
Үміт алдап, әурелейді ой алдап,
Ой-қиялды айту қиын баяндап.
Тықылдаған жүрісінен уақыттың,
Ажалыма жақындаймын аяңдап...
Күн күлімдеп, дірілдейді ай аунап,
Айдың нұрын еметіндей ояу бақ.
Көбелектің ғұмырындай ғұмырмен,
Мәңгілікке сапар шегем, жаяулап.
Жоқ нәрсені күтеміз-ау, алдан біз,
Арман жігіт, қайда кеткен арман қыз?
Ай да жалғыз, Күн де жалғыз,
жер жалғыз,
Ешбір жанға ұқсамайтын мен жалғыз...
Жалғыздардың төгіп шашпай ырысын,
Уақыт айтсын, бұрысымен, дұрысын.
Кеудемдегі бір жүректей «жалғыздар»,
Билеп тұрар, дүниенің төрт бұрышын.
Тобырдан топ құрып, иық көтерме,
Арпалыспа, арам тер боп бекерге.
Түнгі аспанның бар жұлдызы жиналып,
Жалғыз күннің жарығына жетер ме?
Жүрген сайын арман тауы биіктеп,
Қарай берем, маңдайыма тиіп көк.
Қолымнен әл, көзімнен нұр тайғандай,
Сетінеген үміт ұшын түйіп көп...
Шексіз сапар! Қайда барып тоқтаймын,
Көп нәрсеге көңілім менің соқпай жүр.
Жаратушы жалғыз құдай жар болып,
Жер бетінің «жалғыздарын» сақтай біл...



Пікірлер (0)

Пікір қалдырыңыз

Келген кезде кезегім...

  • 0
  • 0

Өмір тұрмас басымда, сірә, мәңгі,
Бір күнімнен бір күнім сынақ алды.
Жылатпай бер, не берсең, ей, туған ел,
Сұратпай бер, берсең бір сыбағамды.

Толық

Жел болып маңдайымнан неге еспедің

  • 0
  • 0

Жел болып маңдайымнан неге еспедің,
Неге еспедің, айналды елеске мұң.
Көздерім суретіңе жиек болып,
Ұзақ түн ұйқым келер емес менің.

Толық

Дүлдүл трұяқ кеудемдегі дүсірден

  • 0
  • 0

Дүлдүл трұяқ кеудемдегі дүсірден,
Кеңдік тауып, кешіремін де ішімнен.
Адамдарды келеді сүйгім құшақтап,
Тегі туыс, адам болғаны үшін мен...

Толық