Өлең, жыр, ақындар

Қысылғанда, кейде жолым болмай бір

  • 07.11.2021
  • 0
  • 0
  • 331
Қысылғанда, кейде жолым болмай бір,
Көкірегімде шырылдайды торғай жыр.
Әр уақытта демеп, жебеп балаңды,
Ата-бабам аруағы қорғай жүр.
Осы жерге келіп, кетер мың сан ел,
(Бабам жатқан топырақ неткен жұсақ ең)
Адаспастан келіп бүгін басыңа
Тағзым етіп, беріп тұрмын бір сәлем.
Аруақты ұмытқандар оңбай жүр,
Маған тағдыр бұйырмасын сондай бір.
Қара орманым, қайда жүрсем, қарайлап,
Ұрпағыңды рухыңмен қодай жүр.
Мейріміңе көптен бері сусап ем,
Қаңбақ қайда домаламас қуса жел.
Арманымен тірі қалған тілегі,
Өлгендерге тірілерден бір сәлем.
Өзің өліп, бізге өмірді сыйладың,
Жер бетіне неге мәңгі сыймадың?
Аруақтар, ақ періште тілегім –
Қабыл болып, бұйырсыншы иманың...



Пікірлер (0)

Пікір қалдырыңыз

Иесіз кеме

  • 0
  • 0

Тұман, тұман, айналам, жаға қайда,
Көрінбейді көкжиек, шағала ай да.
Бағытынан айрылған бір кеменің,
Бүйірін түртіп, толқындар табалай ма?

Толық

Ана қайың

  • 0
  • 0

Соққан желге жұлмалап, күйініп тұр,
Көкірегіне көз жасы құйылып бір.
Сынып түскен ақ қайың сабағына
Тіл қата алмай, дәрменсіз иіліп тұр.

Толық

Ағыны жаға жанып атқылаған

  • 0
  • 0

Ағыны жаға жанып атқылаған,
Айтады арман жайлы ақ бұлақ ән.
Секіріп тастан-тасқа толқындары,
Күледі жас баладай пәк күнәдан.

Толық

Қарап көріңіз