Өлең, жыр, ақындар

Қоштасып, солай сен кеттің

  • 07.11.2021
  • 0
  • 0
  • 364
Қоштасып, солай сен кеттің,
Өмірдің сырын кім білген.
Сезіммен бесік тербеттім,
Толқынын кешіп Сырдың мен.
Бақыт деп, әлде сор таптым,
Жайғандай қиял құс кілем.
Алатауға жол тарттым,
Ақша бұлттардың үстімен.
Сыйлапсың маған арман, мұң,
Есімде қалды ерке күн.
Желпілдетіп сен қалдың,
Сағыныштың желкенін...
Көзіңмен көктеп, гүлдеппін,
Кездескен кербез көктемім.
Бір шоқтың сонда білмеппін,
Ішіме түсіп кеткенін...
Сыр суы қайда, шөлдедім,
Көзімнен керуен көшті аспан.
Көктемім бе едің, сен менің,
Кешігіп келіп қоштасқан.
Өзіңсіз қайдан жай табам,
Көремін нені тағдырдан.
Қоштасып едім, қайтадан –
Ән болып шықтың алдымнан...



Пікірлер (0)

Пікір қалдырыңыз

Айта алмаймын

  • 0
  • 0

Айта алмаймын,
алғанымды сұрама,
Ұрпағыма не қалады мұраға.
Ойлап тұрсам, о, жаралы жер-ана.

Толық

Сәби-қар

  • 0
  • 0

Қар жауып тұр, қарашы, қар жауып тұр,
Ақ қанатты аспаннан ар жауып тұр.
Көкпен жердің арасы ақпандағы,
Тазалықпен тұрғандай жалғанып бір.

Толық

Маған жұмбақ көзіңде мұң бар екен

  • 0
  • 0

Маған жұмбақ көзіңде мұң бар екен,
Сенің кеудең кілттеулі сырға мекен.
Айналмайын мейлі мен сүйіктіңе,
Сүйіктім деп өзіңді жырлап өтем.

Толық

Қарап көріңіз