Желпіп бір жазық белдің ақ сағымын

Желпіп бір жазық белдің ақ сағымын,
Бұлақ боп сылдыр қағып ақса жырым.
Елеусіз қалдырмастан есіңе алшы,
Өзіңсіз ұйқым шала, жоқ сабырым.
Алаңсыз ер кеудеңмен мен егіз ем,
Қалайша үмітімді сенен үзем.
Беймезгіл өзің келе жатқандай боп,
Көп қарап көк белеске елегізем...
Сырымды қалай айтпай, шектеймін мен,
Бар сырды тұра алмаймын төкпей жырмен.
Көргенде көптің бірі боласың да,
Көрмесем арманымсың жетпей жүрген.

---