Өлең, жыр, ақындар

Нәресте күлкісі

  • 11.11.2021
  • 0
  • 0
  • 633
Жүзінде ойнап жылу атты күн күші,
Алаңсыз бір, айтшы, дүние,
Күлдің бе ей?!
Нәрестенің мына тұңғыш күлкісі,
Тұнық судың бетіндегі иірімдей!..
Жүрегіңе сызып сәуле жол мәңгі,
Мейіріммен мас боларсың осы үнге.
Ол білместен бояманы, жалғанды,
Күледі шын әз ананың төсінде!
Неткен күлкі, неткен ләззат, тәңір-ау,
Нең қалды еріп, балқып жаның қызбаған.
Оның тұңғыш жымиысын ал, мынау,
Бүкіл дүние көздерінен қызғанам!
Шомылдырған рахаттың бағына,
Болса өмірде сол күлкідей пәктілік.
Тұнық су ол иірілген шағында,
Шошытасың, ойнама тас лақтырып!..



Пікірлер (0)

Пікір қалдырыңыз

Шопанға

  • 0
  • 0

Шаңырақтай көрінген мынау аспан,
Шертеді шопан жайлы мұра-дастан.
Тұлғаңнан көрем анық хас батырды,
Қабағынан мұз еріп, қырау басқан.

Толық

Адам қашан қадірлі?

  • 0
  • 0

– Адам қашан қадірлі?
– Іңгәлап өмірге алғаш келгенінде.
– Адам қашан қадірлі?
– Аһ ұрып,

Толық

Тулама жүрек, қойшы енді

  • 0
  • 0

Тулама жүрек, қойшы енді,
Аңсама биік самғауды.
Май шамдай бықсып, ой сөнді,
Үмітім менің алданды.

Толық

Қарап көріңіз