Асыл анам

Асыл анам!
Жалғыз менің жұбанышым.
Өмірімнің сарқылмас бұлағысың.
Бір мезет көрмесем дидарыңды,
Сағыныштан азынап тұрады ішім.

Асыл анам!
Таңымсың ғажап атқан.
Құшағына әлемді паналатқан.
Маған төккен мейірімің құралады
Айнадай кіршіксіз – махаббаттан!

Асыл анам!
Шынайы жанашырым.
Маған бердің мұхиттың әр асылын.
Сен сыйлаған шабытпен әлі талай
Бағындырам өмірдің дара шыңын.

Асыл анам!
Күнімсің көктегі жарқыраған.
Мен боламын өмірлік сарқырамаң.
Ана деген білсеңіз – алтын адам,
Алақаны секілді жарты ғалам.

---