Өлең, жыр, ақындар

Біреу үшін болайын, бар болайын

  • 31.12.2021
  • 0
  • 0
  • 639
Біреу үшін болайын, бар болайын,
Арқа сүйер, күш көрер нар болайын!
Біреу үшін болмайын, жоқ болайын
Көре алмастың көзіне тоқ болайын...
Қуанатын адамға ай болайын
Тамашалап жүрсінші толған айын.
Толған айдай келісті бай болайын
Көңілінің төріне жайланайын!
Арманшылға тәп-тәтті ой болайын,
Ой болайын, тербеліп толғанайын.
Бақ аңсаған жүрекпен жолықтыршы,
Жолықтыршы, тағдырым, айналайын!
Жолықтыршы, арлының арлысына,
Жолықтыршы, малдының малдысына.
Ақыреттік болатын адал досқа –
Балап жүрер жырымды таң құсына!
...Тілектестер тойласын бақытымды
Қалдырма тек ешкімнің қарғысына!



Пікірлер (0)

Пікір қалдырыңыз

Қарға туралы

  • 0
  • 0

«Қарғыс алып, қарайып, қара түске боялған...»
Оқығанда бұ жолды көңіліме ой алғам.
Содан бері қар жауса, жапалақтап,
Ақ әлем...

Толық

Жанартауым бар алда...

  • 0
  • 0

Сенем бұған – жанар бағым бар алда,
Бүгін жас боп үйірілген мұңдарым
Қуаныш боп тұрар ертең жанарда,
Жанар бағым, сенем соған – бар алда!

Толық

Ақын рухымен сырласу

  • 0
  • 0

Ашық алаң, әппақ қардың үстінде
арман толы жүректерді нұр шалып,
сенің жырың – «...Елім менің...» екпіндеп,
жігер жанып жеткен жоқ па еді жеңіске

Толық

Қарап көріңіз