Өлең, жыр, ақындар

Өмірді балап көктемге...

  • 31.12.2021
  • 0
  • 0
  • 476
Уақыт байыз тапқандай,
байырқап тұр-ау жел баяу.
Желе жортып келеді
Мұңды Асан мінген желмая.
Шындық екен, қайтейін,
жалғандығы – жалғанның.
Жұмыр жер – сынақ алаңы,
айлағы асыл арманның.
Жаз өтсе, келіп түсер күз,
алмасар қыспен қары бар.
Аманатқа алған өмірдің
шың-құзы, терең жары бар.
Талпынсам-дағы шыңдарға,
құзынан жүрмін қаймығып.
Теңізде өскен жан едім,
аңсаймын жиі айдынын.
Өмірді балап көктемге,
күн кештім нулы бөктерде...
Биіктен таба алмасаң,
іздеңдер тереңдіктерден.
...Жылжиды баппен уақыт,
еседі самал жел баяу.
Өмірдің көшін артып ап,
асады қырдан желмая.



Пікірлер (0)

Пікір қалдырыңыз

2010-шы көктем

  • 0
  • 0

Кеңістікте ауа айналмай,
әрекетте амал қалмай
тымырсық тұр белең алып,
тіршілікте дел-сал қалып.

Толық

Салмақ

  • 0
  • 0

Дарыса егер бойыңа
Мысқал түйір салмақтан,
Адамсың, сен, ендеше,
Мақтана алсаң, ал, мақтан!

Толық

Тәуекел

  • 0
  • 0

Кісілік сабақтан басталған қадамым,
көлгірлік, зеңгірлік дегеннен адамын,
құлагер, ақтаңгер, күреңдер жиналған алаңға
жорғама терлік сап барармын...

Толық

Қарап көріңіз