Өлең, жыр, ақындар

Тыныштық

  • 31.12.2021
  • 0
  • 0
  • 788
(Тоғжан мен Айсәулеге екі ай бойы үйреніп қалыппын! Олар Душанбеге ұшып кеткенде туған өлең)

Құлаққа ұрған танадай
Орнады келіп тыныштық!
Қыздарым кетіп барады
Жүрекке дәру, тым ыстық...
Сәттісін тілеп сапардың,
Тәттісін тілеп жаһанның,
Қол бұлғап, қала бердім мен
Көңілімді жайлап қасаң мұң...
Жігерден тауып серпіліс,
Алладан сұрап еркін күш.
Еңсемді дереу түзедім,
Тәтті үміт – маған бекініс.
Терезе ашық, күн – шуақ,
Толтырды үйді жарыққа.
Тұрғандай мені жұбатып,
Келер деп тағы, қамықпа!
Толқумен әлі отырмын,
Жанымды билеп сан ырғақ!
Өзімді өзім шақырдым,
Тағат пен төзім, сабырға!



Пікірлер (0)

Пікір қалдырыңыз

Көкжиектен күлімдеп шықты күнім

  • 0
  • 0

Көкжиектен күлімдеп шықты күнім.
Әппақ гүлдің ернінде қалған тұнып,
Мөп-мөлдір шық етеді жымың-жымың.
Ағытылды жүректен бұла жырым.

Толық

Бизон терісі

  • 0
  • 0

Мән-мағына табар әркім
Қимыл-әрекетінен.
Алыс елге бір жиһангер
Саяхаттай кетіп еді.

Толық

Үмітті күндер

  • 0
  • 0

Қайрылмайтын артына заулайды күн,
Заулайды күн, есесін даулайды кім!
Емексітіп аспанды торлаған бұлт
Тағы көшіп бара ма жаумай бүгін?

Толық

Қарап көріңіз