Әппақ жолды аңсағанмен, ізсіз жүруге үйренбедік

Әппақ жолды аңсағанмен, ізсіз жүруге үйренбедік,
Сайрап жатқан із барында білгішсініп сүйреңдедік,
Ізге сеніп жолға шықсақ - сүрлеу жатса соқпағы анық,
Бағыт таңдап алдық досым, тоқтамалық, тоқтамалық.
Бізге дейін керуен көшкен, тұрмайықшы жоққа налып.
Басын жерден көтермейтін тірелгенше отқа барып,
Айырмамыз төрт аяқтан – екі аяқты демесеңіз,
Ұмытпайық әр кәллада бұйда, жүген, ноқта барын...

---