Өлең, жыр, ақындар

Совхоз «Темір»

  • 22.05.2019
  • 0
  • 0
  • 1200
Хан Темірдің орнында совхоз «Темір»,
Бұл кездейсоқ нәрсе емес - бұл екі өмір.
Қан төгілген алапта мақта өсірген
Заманыңның сырына үңіле біл!
Тарих деген - кітап деп ұқпа жалаң,
Тарих сенің өскен жер, туған далаң.
Сол далада өмірді сақтаймын, - деп,
Қаншама рет жоғалтты құрбанды адам?!
Білем оны, сүйемін білгендіктен,
Адам бақты болашақ күннен күткен,
Сол болашақ ішінде тұрмын жасап,
Әр күнімнің аяғы жырмен біткен.
Совхоз «Темір»... Я, бұл менің жерім.
Ата-бабам жеңгенін, жеңілгенін
Ауылымның жылаған, қуанғанын
Осы жерден оқиды көңілім менің.
Аппақ өңір... Шаң түзді мақта жапқан.
Таң да осынау өлкені мақтап атқан,
Күн де осынау өлкені сүйіп шыққан,
Қуан соған, жерлесім, мархабаттан!



Пікірлер (0)

Пікір қалдырыңыз

Мемлекетім менің

  • 1
  • 0

Мұз құрсанған, ақ көрпеге оранған,
Қиын-қыстау, сары аяздан бораннан,
Қорықпастан туған менің - бөбегім-
Мемлекетім - азаттығым оралған.

Толық

Жақсы өлең

  • 0
  • 0

— Қалайын бір тыныстап,
Жазшы, құрбым, жақсы өлең!
— Тұрсың қызыл гүлге ұқсап,
Жыр асып па нақ сенен?!

Толық

Самарқанд

  • 0
  • 0

Самарқанд сары қала сары алтыннан
Өзбектің қолыменен жаратылған,
Өзбектің қиялымен қырық жаңарып,
Өзбектің жаныменен жаңа туған.

Толық

Қарап көріңіз