Өлең, жыр, ақындар

Хабар күтем сен жақтан жылы лепті

  • 14.01.2022
  • 0
  • 0
  • 1149
Хабар күтем сен жақтан жылы лепті,
Жаным жылап, сезімнің гүлі кепті.
Жапырақтар желменен сыбдыр қағып,
Жүрегімнің соғысын дірілдетті.
Неге арманға толады бүгін кеудем,
Сен жетерсің алыстан күлімдеумен.
Жаңа таңда асығып оянам мен,
Қашан сені көремін, күнім деумен.
Ерке желмен есілген сен келесің,
Жетесің ғой, мен іштей кел дегесін,
Қай жағынан қақпаны ашамын деп,
Үміт күтіп ұшасың, сенделесің.
Сәл кешіксем, күт мені босағамда,
Жетпейтіні күту ғой осы адамға.
Дидарыңды көруге уақыт берген
Тынбай алғыс айтамын жасағанға.
Өзің жақтан әдемі леп еседі,
Көкжиектің кең екен келешегі.



Пікірлер (0)

Пікір қалдырыңыз

Сабылып сезімдердің сәуірі кіл

  • 0
  • 0

Сабылып сезімдердің сәуірі кіл,
Басылмай жүректердің жауыны бір,
Бұрқырап ақ көбігі көкке атылған
Бұрқанған Мұқағали дәуірі бұл.

Толық

Менің сорлы жүрегім мәңгі ғашық

  • 0
  • 0

Менің сорлы жүрегім мәңгі ғашық,
Күз боп шалқып, кетеді ол әнге ұласып.
Алма ағашы жұпарын бұрқыратып,
Аппақ гүлі төгіліп, талды басып.

Толық

Күн болып кіргім келді қара бұлтқа

  • 0
  • 0

Күн болып кіргім келді қара бұлтқа,
Жиек боп тұрғым келді аралықта.
Айналып сыңар түйір тамшыға мен,
Тіреліп қалғым келді қарамықта.

Толық

Қарап көріңіз

Пікірлер