Өлең, жыр, ақындар

Сулар ағып барады ағымдағы

  • 14.01.2022
  • 0
  • 0
  • 637
Сулар ағып барады ағымдағы,
Сулар ақса, өмірді сағынғаны.
Жөңкіледі ақша бұлт жол іздеген,
Жолын бөгеп тентек жел қағынғаны.
Желектері талдардың желпінеді,
Бүршіктері бұтақтың елтігелі.
Ерейментау басынан ұлар ұшты,
Еліктіріп елесі көлкімелі.
Жылымық күн жалауы желбіреген,
Айдынкөлім шарасы мөлдіреген.
Жарқыраған үңіліп жанарыма,
Жаңалықтың белгісін көрді менен.
Биік таудың төскейі тебіренді,
Жер ананың жүрегі еміренді.
Шабыт келді шалқыған Шардараға,
Көктем күнін тұрғанда көріп енді.
Шабыт келді құйылып Шардараға,
Киік біткен жосыды сары далада.
Арғымақтың жүгені сыпырылды,
Тарау жолдар жүйткіді тармақ ала.
Бір береке келеді отбасына,
Төлдің басы симады ноқтасына.
Бұталары майысып жерге құлап,
Бөденелер қонғанда шөп басына.



Пікірлер (0)

Пікір қалдырыңыз

Өмір деген бітпейтін мәңгі майдан

  • 0
  • 0

Өмір деген бітпейтін мәңгі майдан,
Талықсыған күресте талдым, айнам.
Тіршілігің өксіген көк өзендей,
Арты ұйық секілді, алды қайраң.

Толық

Татьянаның әні

  • 0
  • 0

Нұрланып махаббаттан шіркін әлем,
Ырғалды ынтызарлық ырқыменен.
Пушкинннің тарантасы барады өтіп,
Қырдағы жатақ ауыл сыртыменен.

Толық

Тамылжытып тереңім тар түнекті

  • 0
  • 0

Тамылжытып тереңім тар түнекті,
Лапылдаған жанартау шарпып өтті.
Ормандарға ойланып үңілгенім -
Аяқтамай тұрғаным жарты бетті.

Толық

Қарап көріңіз