Өлең, жыр, ақындар

Естілерді жеңіп кетіп ептілік

  • 15.01.2022
  • 0
  • 0
  • 538
Естілерді жеңіп кетіп ептілік,
Тексіздікпен тіреседі тектілік.
Жаңбырдан соң көкжиекте керіліп,
Кемпірқосақ бояуымен кепті үміт.
Ақ пен қара кезектесіп ғаламда,
Той өтеді соғыс болған алаңда.
Жақсылықты жапсырады жамандық,
У қосылған тәтті-тәтті тағамда.
Әлем күн боп көрінетін бір маған,
Неткен күрес, неткен қиын шырғалаң.
Бақытсыздық жылап жатыр бір үйде,
Есіктерін ақ бояумен сырлаған.
Бақыт бар ма жүрегіңнің түбінде,
Бақыт іздеу сәнге айналды бүгінде.
Қауырсындай қауқар барын сұраймын
Мезгіліңнің арқалатқан жүгінде.
Сағат тілі сыртылдайды тынбастан,
Жарқыраудан жалықпайды түнгі аспан.
Алтын сарай оянатын секілді
Кешегі бір дәуірлерден құм басқан.



Пікірлер (0)

Пікір қалдырыңыз

Құстарға жем бергенді ұнатамын

  • 0
  • 0

Құстарға жем бергенді ұнатамын,
Өйткені баласымыз бір атаның.
Құстың да, адамның да қанаты бар,
Қонатын тұғыры бір – ұлы Отаным.

Толық

Мен қайта келем, мен қайта жерге оралам

  • 0
  • 0

Мен қайта келем, мен қайта жерге оралам,
Бұлттарды жастап найзағайлары бораған.
Мамықтай жұмсақ жалпылдап жауса ақша қар,
Ақ қайың болып, ақ түбіт шәлі оранам.

Толық

Қолтаңба

  • 0
  • 0

Тірлікке кімдер келіп, кім кетпеген,
Жанбысың жүрегіңді күн кептеген?
Кеудеңді жейде қылып желге жай да,
Түймеле алтындаған ілгекпенен.

Толық

Қарап көріңіз