Өлең, жыр, ақындар

Дәрігерлер

  • 17.01.2022
  • 0
  • 0
  • 479
Жер тозады,
Мүжіліп тау да шөгер,
Жанармайын тауысып
Шам да сөнер.
Қайтер едік,
Біз үшін
Сұм ажалмен
Айқасатын дәрігер болмаса егер?!
Жалған өмір
Шынымен жалған екен,
Қажет болмай
Ауырсаң жанға бөтен,
Ештеңе де...
Тек, жаның,
Шыбын жаның
О, дүние-ай, өзіңе арман екен!
Қан тамырың
Тоқтаусыз таза аққанда,
Құмартқанға не жетсін ғажап таңға.
Ең абзалы осы ғой,
Өмір сүру...
Кесел тауып басыңа азаптанба!
Жан қысылса (о, несін жасырамыз)
Жан ұшырып
Алдыңа бас ұрамыз!
Арашалап қалардай,
Дәрігерден
Бір шарапат күтеміз асыға біз.
Қайыруға
Дерт бетін ерте кері,
Дәрі-дәрмек,
Иненің зор көмегі.
Қажет бәрі,
Дегенмен, сырқат үшін
Басқа дәру, әсілі, ең керегі...
Жұмыс қанша!
Асады бастан әлі...
Табылар ма
Ем-домның басқа амалы?!
Ең бастысы сырқатқа –
Жылы қабақ,
Жылы сөз ғой.
Түк емес басқалары!
Жұмсалады ізгі іске
Бар күш, санаң,
Қайта оралып өмірге
Таң құшса адам,
Тіршілігін
Жалғаған жанын салып,
Ақ халатты дәрігер,
Алғыс саған!
Жақсылыққа
Қашаннан жерік еңдер,
Бар адамға
Шипа бер, дәру-ем бер!
Бізге саулық тілеген
Өздерің де
Аман-сау боп жүріңдер,
Дәрігерлер!



Пікірлер (0)

Пікір қалдырыңыз

Ұлыстың ұлы күні

  • 0
  • 0

Қарлы боран
Ығысып жер бетінен,
Наурыз келді
Керемет келбетімен.

Толық

Сеніміңнен айырылма

  • 0
  • 0

Бұл өмірде
Армансыз кім бар екен?
Жанарыңда
Сенің де мұң бар екен...

Толық

Ақын

  • 0
  • 0

Томағасын сыпырған,
Қиял құсын ұшырған.
Тас емшегін идіріп,
Сүт шығарған қысырдан.

Толық

Қарап көріңіз