Өлең, жыр, ақындар

Пойызда туған ой

  • 17.01.2022
  • 0
  • 0
  • 515
Пойыз үсті...
Вагонды жағалаған,
Қалт-құлт етіп
Жанарсыз келеді адам.
Келеді адам
Асынған гармоны бар,
Айналасын тас-түнек қамалаған.
Қайтсін, байғұс,
Құса боп жанады іші...
Қара гармон –
Жалғыз-ақ таянышы.
Құтқаратын сол ғана
Тарыққанда,
Күн көріске жарамас қара күші.
Гармонымен ән айтып жағынады,
Жағынбаса, жұрт оны неғылады?
Тиын-тебен жиып ап күнкөріске,
Ел үстінен тамағы табылады.
Қайғы-шері кеудесін кернеп өтіп,
Үн қосады гармонға термелетіп.
Зарлы үніне құлақ сап
Ойланады,
Баратқандар елге,
Не елден кетіп.
Ойға алады
Өзінің амандығын,
Көрсетпесін жаратқан жамандығын.
Тойымсыздық дегенің күпірлік қой,
«Тоба!» дейді тағдырға олар бүгін.



Пікірлер (0)

Пікір қалдырыңыз

Жанарың сенің

  • 0
  • 0

Жанарың сенің...
Шіркін-ай, осы жанарың!
Көргенде
Көктің жұлдызы ма деп қаламын.

Толық

Мамыр айында

  • 0
  • 0

Көктем кеп жасыл
Жібектен шапан жапқанда,
Алма ағаш гүлдеп
Шашына бантик таққанда,

Толық

Аппақ гүлдер

  • 0
  • 0

Далада қыс.
Аязды қатқақ күн де...
Ай нұрына шомылып
Аппақ түнде,

Толық

Қарап көріңіз