Өлең, жыр, ақындар

Тұсау кесер

  • 17.01.2022
  • 0
  • 0
  • 1036
Басып тұрып
Адымын байқай ма екен?
Құлап түсіп,
Тұс-тұсын жайпай ма екен?
Ала жіппен кесейін
Тұсауын мен,
Кәне, ақырын жүре ғой!
Тәй-тәй, бөпем!
Сәби жүзің нұрланып
Арайлана,
Алға аттай ғой!
Артыңа қарайлама!
Осынша адам
Тұрғанда тамашалап,
Қанатыңды жазбайсың
Қалай ғана?..
Қуанышын жүрудің
Алғаш, бөпем,
Сезінерсің...
Қанатың талмас па екен?!
Құлаймын деп қорықпа,
Өзіңе сен!
Қадамыңды байқайын...
Қаз бас, бөпем!
Күн нұрына
Толтырып жанарыңды,
Қара жерге
Тигізбей табаныңды.
Құлдыраңдап
Ертең-ақ жүгірерсің,
Құдай оңдап
Алғашқы қадамыңды!



Пікірлер (0)

Пікір қалдырыңыз

Қандай жансың?

  • 0
  • 0

Көңілім мынау
Ұйытқыған құйын, тегі,
Бір тыныштық жаныма бұйырса еді...
Ойлай-ойлай шаршадым

Толық

Кеудемнен аққан

  • 0
  • 0

Кеудемнен аққан
Алысып сезім селімен,
Жеңе алмай сорлап,
Толқынға қайта көмілем.

Толық

Жұп емеспін

  • 0
  • 0

Жұп емеспін,
Сыңармын,
Жалқы тұрған шынармын.
Пешенеме берілген,

Толық

Қарап көріңіз