Өлең, жыр, ақындар

Құстар әні

  • 17.01.2022
  • 0
  • 0
  • 1241
Жауратты қоңыр бақтарды
Батыстан соққан күз лебі.
Жылы жақтарға асығып
Аттанды құстар тізбегі.
Қанаттарымен шимайлап,
Тұп-тұнық кәусар ауаны,
Қоштасу әнін көк дәптер –
Аспанға жазып барады.
Ұзақты күнге шарқ ұрып,
Қанаты әннің талғанда,
Абайсыз бұлтқа ілігіп,
Тамшыға айналып қалған ба?..
Көгілдір күмбез аспанның
Жанарында тұр іркіліп.
Сорғалай алмай биіктен
Шарасыз іштей құр тынып...
Жыласа бұлттар, түсер еді
Жаңбырмен бірге сырғанап,
Үйреніп сол сәт жүйрік жел,
Әуенін оның тыңдап ап.
Жеткізер еді құс әнін,
Сағынып жатқан көлдерге,
Көктемін аңсап, құлазып,
Сарғайып жатқан белдерге.
Құй жаңбыр! Құйшы төпелеп!
Жыршы құстардың құйтымдай,
Сағыныш сазын жеткізіп,
Себелеп көктен бір тынбай...
Тың-тыңдап мен де әуенін
Үйреніп оның салайын.
Сонан соң әннің сөздерін
Өзім-ақ тауып алайын...



Пікірлер (0)

Пікір қалдырыңыз

Қызыл қайың

  • 0
  • 0

– Тосып жүрем сағынып, қызым, дәйім,
Келсең әр кез саған дәм-тұзым дайын,–
Деп сен жақтан
Жеткендей талып бір үн,

Толық

Бақыт деген

  • 0
  • 0

Керек-ақ қой үміттің өшпегені,
Кейде бақыт адамға кеш келеді.
Қайта оралдың,
Кешіккен көктемім боп,

Толық

Қыздар

  • 0
  • 0

Топ гүл едік,
Бес үйдің бойжеткені.
Наз артып құрбыларға,
Жүретін сылаң қағып.

Толық

Қарап көріңіз