Өлең, жыр, ақындар

Кеттім сені жек көріп

  • 23.01.2022
  • 0
  • 0
  • 2255
Жиналыста жүрдім жұртқа білінбей,
Қызыл сөзден бір түйір дән ілінбей.
Қорғаушы кім, қорлаушы кім, шатастым,
Бір көрпенің астары мен тініндей.

Кешіріңдер, қан жылаған ішінен,
Кешіріңдер, мен сендерді түсінем.
Әділетті айқайымен, күшімен
Қолдайтынның дәлелі жоқ ісімен...

Әдеті ме басы жұмыр пенденің,
Өзін-өзі мінегенді көрмедім.
Оу, қандасым, сонда кімді өлтіріп,
Өз қолыңмен сонда кімді жерледің?!

Түңілді деп Абай неден ойланбай,
Төле биді жылы жауып қойғандай,
Бөлінетін әлі жүзге, руға
Болдың екен неге сонша сормаңдай?

Өтерміз бе өткен ізден ой алмай,
Бөріге жем болғаныңды қоя алмай...
Әдетпенен аспандағы Айда да
Бөліп-бөліп жұлдыз жасап қоярдай...

Көкейіме құрғақ өксік кептеліп,
Армандарым құса болып кетті өліп.
Сырты көрім, іші желім – рушыл,
Лағнет саған! Кеттім сені жек көріп!



Пікірлер (0)

Пікір қалдырыңыз

Дос іздедім

  • 0
  • 1

Дос іздедім, сабылып, Төлегендей,
Дос іздедім, қалың жұрт елегендей.
Дос іздедім, қуансам құшақ жайып,
Дос іздедім, сүрінсем, жебегендей.

Толық

Қазақы жүрек

  • 0
  • 0

Күмәнді ұлдар көбейді,
Анамның тілі өгейді!
Азды ма, әлде әруақ,
Додаға түсіп, таланған,

Толық

Көкше түні. «Келемін тау ішінде түнделетіп»... Сәкен

  • 0
  • 0

Келеміз тау ішінде түнделетіп,
Бұл дүние - бірде жетік, бірде кетік.
Тұрлаусыз заманымның тұтқынынан,
Ағатай, құтқарсайшы, бірдеңе етіп ...

Толық

Қарап көріңіз