Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Көкпар

Фариза Оңғарсынова

Көкпар

  • 26.01.2022
  • 0
  • 0
  • 1992
(аударма)

Батырлар шықты тебініп,
жалтылдап аттың жанары.
Баурайды жұртты тек үміт,
жүректері де жанады.
Кең дала, сен де жаңғырық,
тұяқтар тілсе, жер шыдар.
Қапыда қалма ал, жігіт,
көкпарда сені ел сынар!
Әркім де жеңісті армандар,
жеткізбе — терлер төгілсін,
соңыңда қиқу салғандар
шаңыңа сенің көмілсін!
Көрдің бе — халық тұр қарап,
көкпарды қолдан түсірме.
Қол соғар саған уралап
жігерің, ебің үшін де!
Даланы жапсын мұнар шаң,
қамшы бас, онысыз тағар сын.
Көкпарды қолдан шығарсаң,
бармақты шайнап қаларсың!

МҰХАМЕД ӘЛИ

МҰХАМЕД ӘЛИ аударма Фариза Оңғарсынова көкпар Фариза Оңғарсынова өлеңдері

Пікірлер (0)

Пікір қалдырыңыз

Махаббат

  • 0
  • 0

Испания!
Мен өзіңмен сырласам жылап тұрып:
Тындашы өзің үлыңды құлақ түріп.
Көп нәрсені сіңірдің қаныма сен,

Толық

Қоштасу

  • 0
  • 0

Әлдилеп ақ сүт берген қайран анам,
жан әкем жанарымен аймалаған,
қош, менің аяулы асыл әжетайым,
қарағым келеді деп, Ай қараған.

Толық

Әзіл

  • 0
  • 0

Жабырқап жүргеннен бе жүдеп кей күн –
елпіл жоқ, меңіреу бір түнектеймін.
«Аспаннан құлап қапты – анау жерде
Күн жатыр!» – десе біреу, дір етпеймін.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер