Өлең, жыр, ақындар

Ақыл

  • 19.02.2022
  • 0
  • 0
  • 1319
Жанамалап жандарында жүрмесең,
көзге түсіп, құнжыңдауды білмесең,
пасық-сасық саясатын, қылығын
құптаған боп күлмесең,
әкімдерге жағамын деп дәметпе
салма өзіңді әлекке!
Жүгенсіздер сөз сөйлесе құлшынып,
аңқау халық жиылады ұмсынып,
сонда әкімдер желөкпеден жасқанып,
қыпылдайды қымсынып
«былығымды айтып қояр елге» деп,
жүгенсізге жалбақтайды дөңгелеп.
Адал болсаң, асқақ болсаң, оңбадың –
ала қарға әулетінде болғаның.
Жағымпаз боп жандарында жалбақта,
не елірген дарақы бол, арды атта –
әкімдерге сонда ғана жағасың,
сонда оларға қадірлісің, дарасың!



Пікірлер (0)

Пікір қалдырыңыз

Жеңгелер

  • 0
  • 0

Жаныма жаны жақын ағадан да,
сырды ұғар қабағымнан қарағанда.
Әзілдеп, ақтарылып, еркелетіп,
сендердей ешкім мені бағалар ма?!

Толық

Тілеулестерге

  • 0
  • 0

Уайым көп, ойым да алаң, жаным да алаң,
жырым жоқ баяғыдай жалындаған.
От сезім, өрт күтетін тілеулестер,
жазғырып қарамаңдар бәрің маған.

Толық

Алғашқы сабақ

  • 0
  • 0

Толдым жеті жасқа мен,
қош айтыстым бақшамен.
Келдім алғаш сабаққа,
келді Нұрлан, Жанат та.

Толық

Қарап көріңіз

Пікірлер