Корейская косметика премиум класса

Жігіттерге

Төрт әйел бар бұл ғаламда лайық болар құрметке
Төртеуін де қадір тұтып, көңілдерін кірлетпе!
"Болсын мейлі, бола берсін әдемілік әлемде"
Деп айтпаған Мұқағали әйел жайлы құр текке.

Біріншісі — анаң сенің мәпелеген, тербеткен
Бар жылуын аямаған, мейірімін көлдеткен
Анаң болса, өміріңнің мағынасы, мәні бар
Ана жайлы Нұрлан ағам сағынышпен әндеткен.

Екіншісі — еркелейтін, зерігуді білмейтін,
Қарындасың, ренжігенде, бұртиып, күлмейтін
Ағалықпен ақыл айтып, дұрыс жолға бағытта,
Қорғаны бол ешкімге қорлауға жол бермейтін.

Үшіншісі — Алла үшін некелескен жұбайың
Қайғы менен қуанышта бірге болар ұдайы
Жылу берер киімі бол, хақыңды біл, өйткені
Бір сен үшін жаратқан Жаратушы құдайың.

Төртіншісі — кіп-кішкентай бауыр етің сәбиің
"Әке" деген сөздерінен тынышталар жай-күйің
Инабатты, иманды адам қылып өсірсең,
Арғы өмірде жұмақта салынады ақ үйің.

Төртеуін де сыйлай білсең, үй, керегең кең болар,
Шаңарағың шайқалмай, ырыс-берекең толар.
Әрқайсысын шын сезіммен жақсы көрсең егер де,
Екі дүниең абат болып, төрт құбылаң тең болар.

Ә.Рахымұлы
08.03.2022 жыл


Қарап көріңіз


Басқа да жазбалар