Өлең, жыр, ақындар

Әкем Нағашыбай Сарыұлына

  • 30.03.2022
  • 0
  • 0
  • 673
Әкем Нағашыбай Сарыұлына
Ей, дүние, мен осы қайда асықтым
Өмірімнің өлеңді айнасы ұқтым.
Табам деп інжу-лағыл талай ақын,
Маржандай сырсандығын қайта ашыппын.
Өмірде кен қазына өлеңде екен
Өз көзімен көрмеген сенер ме екен.
Сендей ақын өмірде қайталанбас,
Мендей ақын өмірге келер ме екен?!
Мен осы өмірімнен ұлы із көрдім,
Түсімде ата-бабам қымыз бердің.
Алдыма дастарханды жайып әкем,
Асығыс тығыз кетіп, тығыз келдің.
Өлмепсің, әкем менің тірі екенсің,
Әлі де қамымды ойлап жүр екенсің.
Несібең бұл дегендей бір қарады;
"Перзенттік борышыңды бір өтерсің".
Бұл да бір өзіңе артқан сенім демей
Ақтарылып, шашылып төгіл демей.
Сол борыш әлі менің мойнымда жүр,
Ауырлап, кетпесе егер жеңілдемей..
Қазақтың қасиеті жетеуде ме?
Жолықты әке, бала екеу неге?
Ей, дүние, мен осы қайда асықтым,
Перзенттік сол борышты өтеуге ме?!

18 қазан 1997 жыл



Пікірлер (0)

Пікір қалдырыңыз

Тәуелсіздік

  • 0
  • 0

Жатырмыз біз жаңа есті сенсең жиып,
Тағдыр басын туған ел теңселді иіп.
Тәуелсіздік — сен неткен абзал едің,
Алатаудай бұл күні еңсем биік.

Толық

Жапония – үрдіс даму үстіндегі ел екен

  • 0
  • 0

Жапония – үрдіс даму үстіндегі ел екен,
Тынық мұхит, таулы аймақ жер екен.
Жеті мыңдай адамдардың қонысы –
Қонған ел ғой, Байлық, Дәулет, Берекең.

Толық

Қарттар-ай

  • 0
  • 0

Шаршы төрде шалжия сұлап жатып,
Әңгімені әр тұстан-қылаулатып.
Шай ішкенде шал-шауқан шежірені
Шертер болар төбеден күн аунатып.

Толық

Қарап көріңіз