Өлең, жыр, ақындар

Күмән мен күдік басқан күн

  • 14.06.2022
  • 0
  • 0
  • 625
Бүгiн менi
От жағып
Құрта алмайтын,
Оқ атып тесе алмайтын,
Семсер сiлтеп
Жырта алмайтын
Күмән мен күдiк
Басып тұр.
Жаным жасып тұр!
Алатауымның шыңдары
Арық атанның
Өркешiндей боп
Құлап қалғандай.
Көлiм суалып,
Шалғыным
Қурап қалғандай.
Әлдекiмдер,
Жасыл жайлауымды
Түктi кiлемдей орап
Иықтарына сап –
Алып кеткендей.
Ормандарымның
Бұтақтарын турап,
Дiңгек-жiлiктерiн
Шағып кеткендей.
Аққуларымның ұясы,
Бұзылып жатқандай.
Аспанымның алқасы –
Тырналардың тiзбегi –
Быт-шыты шығып
Үзiлiп жатқандай.
Арманым мерт болып
Үмiтiм жанып кеткендей.
Көктегi күнiм тайып,
Айым ауып кеткендей.



Пікірлер (0)

Пікір қалдырыңыз

Тай қазан

  • 0
  • 0

Осы қазан ғажабы ғой ғажаптың,
Осы қазан қазаны ғой Азаттың...
Тұрған үнсiз ғасырларды қайнатып
Бұдан берiк қазаны жоқ қазақтың.

Толық

Тартылыс заңы

  • 0
  • 0

Тартады менi, тартады
таулар да,
баулар,
жолдар да.

Толық

Көңіл күйі

  • 0
  • 0

Білмедім –
Сол кезде шабыт кеп пе еді?
Әйтеуір
Далаға шығып ем

Толық

Қарап көріңіз