Өлең, жыр, ақындар

Әнші құсым

  • 31.05.2021
  • 0
  • 0
  • 658
Орнынан қозғалақтап ұраншы ұлыс,
бергеннен құлан иек қышаң шығыс,
түбінен тереземнің шыр-шыр етіп,
шырылдап оятып жүр бір әнші құс.
Күннен де қабағымды бұрын бағып,
таң атпай оятады ол шырыл қағып, —
беріліп біржолата сиқыр ымға,
біразын ұйқының да шығындадық.
Сағыныш,
сазы бөлек арманға еріп,
тұрғаны шыр-шыр етіп,
таңнан келіп,
түстеп те танымадым,
тек қана бір
бармақтай құс екенін қалғам көріп.
Түбіне тереземнің күнде қонып,
біресе шырқап ұзақ,
бір бөгеліп,
кім білсін,
пәле-жала дегендерден
болып ап шынашақтай
жүр ме қорып?!
Таңдайы талайғы бір сырды аңғартып,
кетеді кейде тіпті жылдамдатып,
кім білсін,
бізге де олжа үлестіре,
жетті ме ілестіре қырдан бақыт!
Төгіліп сөзіме гүл,
көзіме нұр,
бақыттың орай соғар кезі ме бұл, —
әйтеуір, қызық екен құс үнімен
таң атпай оянудың өзі де бір!
Жақсылық болар-ау деп ырымдайды ел,
ендеше,
әнші құсым, шырылдай бер,
келе бер танды атырып.
кеш батырып,
әйтеуір,
басқа жаққа бұрылмай кел!..



Пікірлер (0)

Пікір қалдырыңыз

Жақсылық туралы жыр

  • 0
  • 0

Елу деген,
Жақсылық-ау, елу деген не деп ең,
айналаңа қарау шығар енді шыққан төбеден, —
Елу деген — арғымақ жас ауыздықпен алысқан,

Толық

Тынышын ап түйменің

  • 0
  • 0

Тынышын ап түйменің —
шешініп те киініп,
бұрала кеп биледің —
жүз бүгіліп, иіліп,

Толық

Қызығымның былайғы тастап бәрін

  • 0
  • 0

Қызығымның былайғы тастап бәрін,
келіп еді тағы бір асқақтағым,
бас тартқаның демесең болды, жаным,
қашқақтадым,

Толық

Қарап көріңіз