Өлең, жыр, ақындар

Әнші құсым

  • 31.05.2021
  • 0
  • 0
  • 645
Орнынан қозғалақтап ұраншы ұлыс,
бергеннен құлан иек қышаң шығыс,
түбінен тереземнің шыр-шыр етіп,
шырылдап оятып жүр бір әнші құс.
Күннен де қабағымды бұрын бағып,
таң атпай оятады ол шырыл қағып, —
беріліп біржолата сиқыр ымға,
біразын ұйқының да шығындадық.
Сағыныш,
сазы бөлек арманға еріп,
тұрғаны шыр-шыр етіп,
таңнан келіп,
түстеп те танымадым,
тек қана бір
бармақтай құс екенін қалғам көріп.
Түбіне тереземнің күнде қонып,
біресе шырқап ұзақ,
бір бөгеліп,
кім білсін,
пәле-жала дегендерден
болып ап шынашақтай
жүр ме қорып?!
Таңдайы талайғы бір сырды аңғартып,
кетеді кейде тіпті жылдамдатып,
кім білсін,
бізге де олжа үлестіре,
жетті ме ілестіре қырдан бақыт!
Төгіліп сөзіме гүл,
көзіме нұр,
бақыттың орай соғар кезі ме бұл, —
әйтеуір, қызық екен құс үнімен
таң атпай оянудың өзі де бір!
Жақсылық болар-ау деп ырымдайды ел,
ендеше,
әнші құсым, шырылдай бер,
келе бер танды атырып.
кеш батырып,
әйтеуір,
басқа жаққа бұрылмай кел!..



Пікірлер (0)

Пікір қалдырыңыз

Құшсам-ақ дейтін бұралтып белін

  • 0
  • 0

Құшсам-ақ дейтін бұралтып белін
қылықты қыздың бірі едің.
өзіңді жұрттан тым артық көріп,
түрлене түлеп жүр едің.

Толық

Жаңғырып құлағымда қай-қайдағы үн

  • 0
  • 0

Жаңғырып құлағымда қай-қайдағы үн,
келеді ара-тұра айғайлағым:
осылай өткені ме, деймін де, өмір,
шынымен кеткені ме жанбай бағым!

Толық

Тынышбаев туралы ән

  • 0
  • 0

Тынышбаев туралы ән
Ағайын кеудемізді тік ұстайық.
Кемеңгер Мұхаметжан Тынышбаев.
Сәкен Иманасов

Толық

Қарап көріңіз