Өлең, жыр, ақындар

Ақын монологі

  • 01.04.2022
  • 0
  • 0
  • 842
Ұлы Мағжанға

Сезінемін дүние қарбаласын,
Қазағымның сүйемін әр баласын.
Сүймесіңе бола ма әрбір ұрпақ,
Туған халқың – ғұмырын жалғағасын!
Тартып келем тағдырын түрлі азаптың,
Жүрегіне жетсем деп бір Қазақтың.
Қайғыны, қасіретті арқаладым,
Тауқыметтарттым талай, мұңға баттым.
Тартынбай, тағдыр жүгін сал иыққа...
Айналсамдеп Алатау ақиыққа –
Жазсам да жүз өлеңді, бәлкім мен де
Бір өлеңмен қалармын тарихта!
Ол бәлкім – Өмір жайлы Өлең болар,
Аққудай айдын көлге менен қонар.
Сарыарқа сарыбелдің киігіндей,
Дүр етіп жүрегімнен жөнелді олар!
Бір өлең сені күтіп келем енді,
Құдірет сезім күші бөлеп елді,
Ананың ақ сүтіндей уыз дәмді
Мен жазып қалдырамын сол өлеңді!
Ол өлең – не жайында жұмбақ маған,
Дүние тәңірімдей тіл қат маған!
Мен үшін әр қазақтың бағасы артық,
Нарқы артып, әр күн сайын қымбаттаған.
Өлім – хақ, Адам көкті тірегенмен,
Табысып, тоғысатын тілегі елмен.
Мен өлмеймін, өмірде, мен тірімін,
Айтылған, айтылмаған – бір Өлеңмен!
Білемін ғұмыр болмасалда мұнша,
Қағам қанат – қанатым талғанынша,
Мен өлмеймін, өмірде, мен тірімін, –
Жер бетінде бір қазақ қалғанынша!



Пікірлер (0)

Пікір қалдырыңыз

Көкбөрінің тағдыры

  • 0
  • 0

Көкбөрі бұл жортып жүрген жаһанда,
Бәлкім оның күні бір күн батар ма?
Бәлкім оның күні бір күн атар ма?
Көкбөріміз жортып жүрген жаһанда.

Толық

Сол бір ауыл...

  • 0
  • 0

Жер бетінде бір кішкентай ауыл бар,
Сол бір ауыл – туған жерім, бауырлар.
Жылдар жылжып, жатса да өмір жаңғырып,
Сол ауылға басымды ием мәңгілік!

Толық

Бәрі де сүйгенім саған

  • 0
  • 0

Мен әдемі киінсем де,
Өзің деп сүйінсем де
Бәрі де сүйгенім сен үшін.
Мен бұлттанып мұңайсам да

Толық

Қарап көріңіз