Шөмішбай Сариев

Сені іздеп шыққан жолдарым

Қазақша өлең мәтіні, өлең жолдары және толық нұсқасы.

01.04.2022
0
0
1731

Сені іздеп шыққан жолдарым,
Сезімді баптай білген бе?
Мен кімге ғашық болмадым,
Өзіңді таппай жүргенде.
Телміріп жанар тұрды көп,
Талайдың ұнап мінезі.
Өзіңді таппай бұл жүрек,
Жүз қызды сүйген бір өзі.
Өмірді ұқсам теңіз деп,
Толқыған толқын көзімін,
Ақыры тапты сені іздеп,
Жүз қызға кеткен сезімім.
Армандай жүзген кездерден,
Аяулы жар боп табыстық.
Өшіріп отты көздерден,
Жүз қызды кеттің алыс қып.
Ұмтылған сол бір жолдарым,
Сен барсың қазір бір менде,
Мен кімге ғашық болмадым,
Өзіңді таппай жүргенде.

Шөмішбай Сариев сені іздеп шыққан жолдарым Шөмішбай Сариев өлеңдері

Пікірлер (0)

Пікір қалдырыңыз

Жиі қойылатын сұрақтар