Өлең, жыр, ақындар

Қазағымның күйлері-ай

  • 08.04.2022
  • 0
  • 0
  • 1001
Сағынышты жүрегімнің назындай,
Қырдың әсем қалқып ұшқан қазындай,
Сырлы әсем Сырдария сазындай,
Аңыраған аққулардың мұңындай
Анасынан айырылған құлындай,
Алатаудың аппақ ойлы шыңындай
Қазағымның,
Қазағымның күйлері-ай!
Жеті өзендей Жетісудай салалы,
Сарыарқаның самалындай самалы,
Дүрілдетіп тебіренткен даланы,
Бабамыздың күңіренген зарындай,
Жайығымның жайлап аққан жанындай,
Даламыздың қайнап аққан қанындай,
Қазағымның,
Қазағымның күйлері-ай!
Сексеуілдей қатып-семген сенімдей,
Бедірейгеп бетпақдала шөліндей,
Бала жанар Балқашымның көліндей
Қонағымдай келіп қалған күтінбей,
Жүректерден жаратылған бүтіндей,
Анамыздың уыз дәмді сүтіндей,
Қазағымның,
Қазағымның күйлері-ай!
Сай-сүйекті сырқыратқан төзімдей,
Қайта оралмас махаббаттың көзіндей,
Қайталанбас қимас асыл сезімдей,
Толқытады теңіз-мұхит тасқандай,
Алдыңыздан арман елік қашқандай,
Құпиясы шексіз-тылсым аспандай,
Қазағымнын,
Қазағымның күйлері-а й!
Қатты мұңы көктен түскен жасындай,
Сырлы мұңы — таудың тілсіз тасындай,
Ащы мұңы көздің кермек жасындай,
Қасіретті қос ішектен құйылған,
Күмбірлесе күллі дүние ұйыған,
Тәңіріме сыйынғандай сыйынам,
Қазағымның,
Қазағымның күйлері-ай!



Пікірлер (0)

Пікір қалдырыңыз

Бір ел бар...

  • 0
  • 0

Бір ел бар сондай ертегі,
Жер жаһанда жүр үні.
Белгісіз жұмбақ ертеңі,
Бақытты бірақ бүгіні.

Толық

Күтпеген қонағыма сыр

  • 0
  • 0

Тойы көп тылсым дүние ойды ұрлаған,
Тегін сый сыбағасын қойдырмаған.
Содан ба сынай келген конағымдай,
Отызым, отыз сауал қойдың маған.

Толық

Тілдесем таудың биік шыңдарымен

  • 0
  • 0

Тілдесем таудың биік шыңдарымен,
Мұңаям – бұл даланың
мұңдарымен.
Шөл даланың ұлымын,

Толық

Қарап көріңіз